भारत न्यूज 1 बुलढाणा
एक आरोपी दुसरबीडचा किराणा दुकानदार !!
सिंदखेडराजा तालुक्यातील तढेगाव ते राहेरी फाट्यावर दुकानाची वसुली घेऊन जाणाऱ्या कामगाराचा पाठलाग करून तसेच डोळ्यात मिरचीपूड टाकून ४ लाख ४३ हजार ३७२ रुपयांची रक्कम लुटणाऱ्या चोरट्यांना स्थानिक गुन्हे शाखा बुलडाणा यांनी ५ दिवसातच जेरबंद करण्याची कामगिरी केली आहे.
सदर घटनेतील आरोपींना अटक करण्यात आली असून बाळू भागाजी मकळे वय २६ वर्षे राहणार छत्रपती संभाजीनगर येथील आंबडेकरनगर,रामेश्वर उर्फ परश्या अंकुश हिवाळे वय २८ वर्षे,आकाश प्रभाकर साळवे वय २५ वर्षे दोघेही राहणार मुकुंदवाडी,छत्रपती संभाजीनगर,अजय संजय जाधव वय २४ वर्षे राहणार सूतगिरणी गारखेडा परिसर छत्रपती संभाजीनगर अशी नावे असलेल्या दरोड्यात प्रत्यक्ष सहभागी असलेल्या आरोपींना दिनांक २४ ओक्टॉबर रोजी अटक केली आहे. तर दरोड्याचा कट रचणारे व दरोडा घडवून आणण्यासाठी मदत करणारे व दुसरबीड येथील वॉर्ड क्रमांक २ येथे राहणारे कैलास गबाप्पा जितकर वय ४४ वर्षे आणि छत्रपती संभाजीनगर येथील पडेगाव परिसरात राहणाऱ्या लक्ष्मी मधुकर बोरुडे वय ४३ वर्षे या आरोपींना दिनांक २५ रोजी अटक केली असून न्यायालयासमोर हजर करण्यात आले आहे.
*भारत न्यूज़ 1 चैनल को सब्सक्राइब करने के लिए नीचे दिए गए लिंक पर क्लिक करें।* *वेब पोर्टल चैनल:-* http://www.bhartnews1.com *यूट्यूब चैनल:-* https://www.youtube.com/@Bharatnews1-23 *टेलीग्राम चैनल :-*https://t.me/bhartnews1newschannel *व्हाट्सएप चैनल :-* https://chat.whatsapp.com/IBZfYz989diHkQlutWcHjO *फेसबुक पेज:-*https://www.facebook.com/profile.php?id=100095691483970&mibextid=ZbWKwL
सदर घटनेमुळे पोलिसांसमोर आव्हान उभे राहिले होते.त्यामुळेच घटनेचे गांभीर्य ओळखून जिल्हा पोलीस अधीक्षक सुनील कडासने अप्पर पोलीस अधीक्षक अशोक थोरात,बी.बी.महामुनी यांनी तात्काळ घटनास्थळी धाव घेऊन देऊळगावराजा कार्यालय उपविभागीय अधिकारी अजयकुमार मालवीय,स्थानिक गुन्हे शाखा पोलीस निरीक्षक अशोक लांडे, यांनी तीन पथके तयार करून अभिलेखांवरील आरोपीचा तपास करून, गोपनीय माहितीच्या आधारे सखोल व बारकाईने तपास करून सदर प्रकरणातील गुन्हेगारांचा शोध घेतला व अत्यंत कुशलतेने गुन्हा उघडकीस आणला. सदर आरोपींजवळील २ लाख १२ हजार ९०० रुपयांची रोख रक्कम,४ मोबाईल फोन,२ दुचाकी वाहने असा एकूण ३ लाख ८२ हजार ९०० रुपयांचा मुद्देमाल जप्त करण्यात आला आहे.
