*भारत न्यूज १ रिपोर्टर योगेश लखोटे -वर्धा ( हिंगणघाट )
राष्ट्रवादी महिला काँग्रेसच्या राष्ट्रीय अध्यक्षा फौजिया खान यांनी हि नियुक्ती केली.
पूर्व विदर्भात राष्ट्रवादी काँग्रेस पक्ष मजबूत करण्याच्या दृष्टिकोणातून डॉ.सुरेखा देशमुख यांची नियुक्ती करण्यात आली आहे. राष्ट्रवादी काँग्रेस पक्षामध्ये झालेल्या फुटीनंतर आता पक्ष मजबूत करण्याच्या दृष्टिकोणातून राष्ट्रवादी महिला काँग्रेसच्या राष्ट्रीय अध्यक्षा खासदार फौजिया खान कामी लागल्याचे दिसून येत आहे.अनेक तरुण नेत्यांना मोठमोठ्या जबाबदाऱ्या दिल्या जात आहे.
डॉ.सुरेखा देशमुख यांनी राष्ट्रवादी काँग्रेस पक्षाचे राष्ट्रीय अध्यक्ष शरदचंद्र पवार साहेब यांच्यावर श्रद्धा ठेवत, राष्ट्रीय अध्यक्षा फौजिया खान, नेत्या सुप्रिया सुळे,प्रदेश अध्यक्षा विद्याताई चौहान, प्रदेश निरिक्षक डॉ आशाताई मिरगे यांच्या नेतृत्वात पक्ष संघटन मजबुतीसाठी व पक्ष विस्तारासाठी जोरकसपने प्रयत्न करणार असल्याचे सांगितले.पूर्व विदर्भ अध्यक्षपदी नियुक्ती केल्याबद्दल प्रदेश सरचिटणीस तथा नागपूर जिल्हा निरीक्षक अतुल वांदिले, महिला जिल्हाध्यक्ष ज्योतीताई देशमुख यांनी शुभेच्छा दिल्या.
